ՌՈՄԱՆՏԻԿ ՔԻԼԵՐԸ

Պրոֆեսիոնալ քիլերի մասնագիտությունը ոչ միայն պահանջված է, այլև՝ ամենակարևորներից մարդու օրգանիզմում։

Ընդ որում, քիլերներն ունեն կոնկրետ մասնագիտացում։

Դրանցից ոմանք, օրինակ` ցիտոտոքսիկ T բջիջները, աշխատում են կոնկրետ հանձնարարությամբ` «պատվերով» գտնելով և վերացնելով «պատվիրված» բջիջը, իսկ մյուսները՝ օրինակ NK բջիջները, կոնկրետ հանձնարարություն չունեն. անընդհատ թափառում են, փնտրում, գտնում անծանոթներին, մուտանտներին, հիվանդներին, վարակվածներին, օտարներին և վերացնում դրանց։

NK կամ բնական քիլեր բջիջները բնածին իմունիտետի լիմֆոցիտար համակարգն են: Ունեն բնական ցիտոլիտիկ ակտիվություն:

Արտադրվում են ոսկրածուծում, գտնվում են լյարդում, փայծաղում, պերիֆերիկ արյան մեջ, արգանդի դեցիդուալ թաղանթում:

Հանգիստ վիճակում ունեն 7-8 միկրոմետր տրամագիծ, ակտիվանալիս մեծանում են՝ հասնելով 10 միկրոմետրի:

Բնական քիլերի զենքը նման է թունավոր ներարկմանը։

Հանդիպելով զոհին՝ այն արտազատում է հատուկ նյութեր` պերֆորին, գրանզիմ և գրանուլիզին:

Պերֆորինը թիրախ բջջի բջջաթաղանթում առաջացնում է անցքեր, որոնցով բջիջ են թափանցում գրանզիմները և գրանուլիզինը։

Գրանուլիզինը նաև կարող է ինքնուրույն մտնել բջիջ՝ մկրատի պես կտրատելով բջջաթաղանթը։

Արդյունքում թիրախ բջջի ճակատագիրը վերջնական կանխորոշված է. լիզիս` քայքայում կամ ապոպտոզ` ծրագրավորված մահ։

Սակայն այս դաժան բջիջները զուրկ չեն ռոմանտիզմից։

Նրանց մի ենթատեսակը գտնվում է արգանդի դեցիդուալ թաղանթում և պաշտպանում զարգացող սաղմը իր իսկ «կոլեգաներից»՝ իմուն համակարգի մյուս բջիջներից, որոնք կարող են սաղմը համարել օտար և գրոհել այն։

Կարելի է ասել, որ առանց NK բջիջների ակտիվ հակազդեցության հնարավոր չէ հղիության զարգացումը։

Առողջ միկրոբիոտը նպաստում է բնական քիլերների ակտիվության բարձրացմանը, դրանց շատացմանը և պահպանմանը՝ մի շարք մեխանիզմների օգնությամբ, այդ թվում` կարճաշղթա ճարպաթթուների առաջացման միջոցով:

Ապացուցված կապ կա դիսբիոզների և բնական քիլերների ցածր քանակի միջև:

Իսկ թե ինչպե՞ս կարգավորել միկրոֆլորան՝ նպաստելով այս խիստ կարևոր, ռոմանտիկ քիլերների պահպանմանը, մենք, իհարկե, գիտե՛նք:

Լաբբեկ՝ ընտրում ենք միայն հայկական պրոբիոտիկ:

Նկարում Ջեյմս Բոնդն է։