Վահանագեղձ

Պրոբիոտիկների կիրառումը բարձրացնում է վահանագեղձի հիվանդությունների բուժման արդյունավետությունը և կանխարգելում դրանց առաջացումը

Վահանագեղձը օրգանիզմի համար կարևոր էնդոկրին գեղձ է, որտեղ հիպոֆիզի թիրեոտրոպ հորմոնի (ТТГ, TSH) ազդեցությամբ արտադրվում են յոդպարունակող հորմոններ՝ տետրայոդթիրոնին՝ թիրոքսին (T4) և տրիյոդթիրոնին (T3):

Վահանագեղձը պատասխանատու է բոլոր օրգան֊համակարգերի ճիշտ գործունեության և նյութափոխանակության համար:

Թիրոքսինը քիչ ակտիվ հորմոն է, որն ակտիվանում է՝ փոխակերպվելով տրիյոդթիրոնինի:

Թիրոքսինի մոտ 20%֊ը փոխակերպվում է տրիյոդթիրոնինի` աղիքային միկրոֆլորայի անմիջական մասնակցությամբ։ Փոխակերպման մնացած 80%֊ը տեղի է ունենում հյուսվածքներում, ընդ որում` սելեն միկրոէլեմենտ պարունակող ֆերմենտի մասնակցությամբ։

Նորմալ աղիքային միկրոֆլորան նպաստում է ինչպես սելենի, այնպես էլ T3, T4 հորմոնների հիմք հանդիսացող յոդի ներծծմանը։

Այսպիսով, նորմալ միկրոֆլորան մեծապես նպաստում է վահանագեղձի գործունեությանը՝ մի կողմից նպաստելով յոդի և սելենի յուրացմանը, մյուս կողմից՝ մասնակցելով թիրոքսինի փոխակերպմանը տրիյոդթիրոնինի։